స్టార్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam2).ఈ సీరియల్ శుక్రవారం నాటి ఎపిసోడ్ -437 లో.....శ్రీధర్ పేపర్ లో రాశి ఫలాలు చదువుతుంటాడు. అనుకోని అతిధి ఆగమానం తలకి మించిన భారంగా ఉంటుందని అందులో ఉంటుంది. అదేంటి ఇలా ఉంది అనుకొనే లోపే కార్తీక్, కాంచన ఎంట్రీ ఇస్తారు. రాశిఫలాలు రాసేటోడు ఎవరో గానీ జీవితాల్లోకి తొంగి చూసి మరి రాస్తున్నాడని శ్రీధర్ అంటాడు.

అప్పుడే కావేరి వచ్చి.. అక్క లోపలికి రండి అని పిలుస్తుంది. నా కోసం కాదు.. వీళ్ళు నీ కోసం వచ్చి ఉంటారేమోనని శ్రీధర్ అనగానే లేదు మీ కోసం వచ్చామని కాంచన అంటుంది. ఏంటి దీప తాళిని జ్యోత్స్న తెంపిందట వాళ్ళందరు వచ్చి మిమ్మల్ని క్షమాపణ అడిగారట అని శ్రీధర్ అంటాడు. దీపకి తల్లితండ్రుల స్థానంలో మా అన్నయ్య, వదిన పెళ్లి చేస్తున్నారు. కార్తీక్ కి తండ్రిగా మీరు తల్లిగా నేను ఉండాలని కాంచన అంటుంది. నేను రానని శ్రీధర్ మొహం మీదే చెప్తాడు. కాసేపటికి దీప గురించి శ్రీధర్ తప్పుగా మాట్లాడతాడు. వస్తాను కానీ పెళ్లి కూతురుగా దీప ఉంటే కాదని శ్రీధర్ చెప్తాడు. కార్తీక్ కి కోపం వస్తుంది కానీ కాంచన ఆపుతుంది. శ్రీధర్ రానని చెప్పి లోపలికి వెళ్తాడు. కార్తీక్, కాంచన ఇంటికి వెళ్తారు.

వాళ్ళు వచ్చి పిలిచినందుకు అయిన ఈయన వెళ్లొచ్చు కదా అని కావేరి అంటుంది. మరొకవైపు సుమిత్ర దగ్గరికి దశరథ్ వచ్చి గుడికి వెళదామని అంటాడు. రానని సుమిత్ర అంటుంది. దాంతో దశరథ్ ఒక్కడే వెళ్తాడు. ఆ తర్వాత సుమిత్ర దగ్గరికి దీప వస్తుంది. ఏం వంట చేయాలని దీప అడుగగా.. రోజు నన్ను అడిగే చేస్తున్నావా అని సుమిత్ర కోప్పడుతుంది. అసలు కార్తీక్ తో అలా మాట్లాడిస్తుంది నువ్వే.. వెనకాల ఉండి నడిపిస్తున్నావ్.. ఎందుకంటే నేనంటే నీకు కోపం.. నీ పెళ్లి చెయ్యడం దౌర్భాగ్యం.. నిన్ను కూతురు అనుకోవడం నేను చేసిన పాపమని సుమిత్ర అంటుంటే.. దీప బాధపడుతుంది. అదంతా పారిజాతం, జ్యోత్స్న చూసి హ్యాపీగా ఫీల్ అవుతారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.